عەشقی هەرەقەتین
عەشق و (حەوێ) پەی (ئاڎەمی) بە جۊرێن کە بۍ مەعشووقەکەیش بەهەشتش لاوە گولەن. وەختێ زەمین بی بە ماواشان، جە ئاڎەمی بڕیا، ئیتر تەمامو وەشیەکا بەهەشتیش ویرۍ شیێ و تەنیا چېوێ کە تەسکینی ڕۊحیش کەرۊ، ئاڎەمەن.
ئینە من نەواتەن، بەڵکم میرزا ئۆلقاڎری پاوەی پاسە ماچۊن:
حەوا، شیی پەی کۊی، قوللەی عەرەفات
وە زاری و زوکار، هەر ئېڎش مەوات
ئاڎەم، تۊ جە کام، لا وېت شەردەوە
تا وەیتەور، من دای، وە دەم، دەردەوە
تۊ خوڎا، جە کۊنی، ماوەر بەهانە
پەی تەسکینی دڵ، باڵات بنمانە
یەخەتای من بۍ، گەندم پېت وەردم
دیڎەم لېڵاو بۊ، گۊیا، خاس کەردم
مەحروومی بەهەشت، هەر مەحروومی تۊ
شەوان تا وەڕۊ، ڕووی من سیاو بۊ
سا خوڎا بەهەشتش، با هەر بۊ پەی وېش
من ئەرتۊم مەبیی، بەهەشتم پەی چېش
وە بۍ تۊ، بەهەشت دۊزەخەن جە لام
ئادەم جە کۊنی، وە سەرگەردت بام
ئەر تۊ جە لام بی، کۊی قافم وەشتەن
سەقەری دۊزەح، جە لام بەهەشتەن.[1]