ناونیشانی بابەت: پەتای دەم - دەست - پێ لە منداڵاندا
ئامادەکردن: د. #گەوهەر سەمەد#
ئەم نەخۆشییە زۆر بڵاوە و دایکەکە تووشی ترس و دڵە ڕاوکێ ئەبێ کاتێک ئەبینی زیبکە و سووربوونەوە لەشی منداڵەکەی گرتۆتەوە بۆیە بەکوورتی باسی ئەکەین.
- ھۆکارەکەی ڤایرۆسە و تووشی منداڵان ئەبێ.
نیشانەکانی: سەرەتا بە (تا) دەست پێ ئەکات لەگەڵ ھەوکردنی گەروو، کەمبوونی ئارەزووی خواردن و بێتاقەتی دواتر سووربوونەوەو دەرچونی زیبکە لە ناو دەم و دەست و پێی منداڵ (ھەربۆیەش بەوناوەوە ناو نراوە)
چارەسەر: دژە تا و دژە ڤایرۆس بەکاردێنین، لەگەڵ ئەوەی نەجۆشیەکە جێگای مەترسی نیەو نزیکەی 7-10 ڕۆژ ئەخایەنێت.
بەڵام پێویستە دایک و باوک بزانن کە ئەم نەخۆشییە ئەگوازرێتەوە بۆیە پێویستە ئاگایان لە منداڵەکانی تریان بێت و تا ئەتوانن لە منداڵە تووشبووەکە بەدووربن. [1]