ئازا ئانەن کە زاڵبۊ ملوو تووڕەییشەرە.
تووڕەیی سیفەتێ خرابو نامۊن بە سرووشتو ئینسانی، ئینسان دایېم بە فیترەتو وېش حەزش جە هېمنی و ئاشتین، بەڵام هۊکارە بەریەکۍ و خەیاڵە شەیتانییەکۍ، ویرو دڵ و کەسەکا سیاو کەراوەو سرووشتە زەریفەکەیش فاڕان.
تووڕەیی هەرچن پەرچەکردارێ کاتی و کەمەن، بەڵام شۊنێ فرە خرابە جیامازۊن، یانەوېرانی پەی کەسەکا مارۊن.
مەگېڵناوە، وەردەموو پېخامئاوەرو ئیسلامینە باسشان جە کابرێوە کەرد کە گوایا فرە گۆرەو بەهېزەن، ئاڎییچ فەرماواش: چەنی؟
واتشان: چەنی هەر کەسێ زۊرانی گېرۊن، پەشتیش مڎۊ زەمین، دەرەقەتو گرڎکەسێ مێ.
پېخامئاوەریچ فەرماواش: پیای گۆرەو بەهېز ئا کەسەنە هەکە دەرەقەتو تووڕەیی وېش بێ، نەک پەشتەو کەسێ تەری دۊ زەمین.[1]