تفی خۆت بکە و بڕۆ.
پێشوان لەم بارەیەوە دەڵێن: کابرایەک لە ڕێگە بەچەمێک دەگات، هەر چەند دەکات ناوێرێ لێی بدات، یەکێک پێی دەڵێت: لێرەوە لێی بدە ئاوناتبات، کابرا دەڵێت: ئەی ئەگەر بردمی؟ ئەوش دەڵی: ئەگەر بردتی، تفێکم لێبکە. کابراش لەو شوێنەوە کە دیاریکرابوو، لە ئاوەکە دەدات، لە نیوەی ڕێدا ئاودەیبا، کابرا دەڵێت: هۆ هۆ ئاو بردمی، ئەویش دەڵێت: تفی خۆت بکە و بڕۆ. بە کەسێ ئەوترێ کە نەوێرێ کارێک بکات، یەکێکیش هانەهانەی بدا ئینجا کەسەکە کارەکە بکات و تێبشکێ.[1]