ناونیشانی بابەت: هەستیاری وەرزی چییە؟ چۆن خۆمان بپارێزین؟
ئامادرکردن: د. #دیلان عارف عەلی#

بەهۆی گۆڕانکاری لە کەشووهەوادا، زۆربەی کەس تووشی هەستیاری و حەساسێت دەبن کە بەهۆیەوە هەست بە ناڕەحەتی ئەکەن.
- هەستیاری بریتییە لە کاردانەوەی سیستەمی بەرگری لەشمان دژی مادەیەکی بێگانە کە هاتبێتە لەشمانەوە.
=KTML_Bold=نیشانەکانی سەرەکییەکانی هەستیاری وەرزی ئەمانەن:=KTML_End=
1- ئاو لێهاتن لە لووت.
2- چاوت ئاو دەکات.
3- پژمین.
4- کۆکە.
5- خورانی چاو و لووت.
6- دەرکەوتنی پەڵەی ڕەش لەژێر چاودا.
=KTML_Bold=چۆن چارەسەری دەکەیت؟=KTML_End=
1- کاتێک ماڵ بەجێدەهێڵیت دەمامک ببەستە.
2- بۆ ماوەی پێنج خولەک هەڵمی ئاوی گەرم هەڵبمژە.
3- زووزوو دەستەکانت و ڕوخسارت بشۆ بۆئەوەی تۆز و خۆڵ نەچێتە لوتتەوە.
- بۆ خۆپارێزی حاڵەتەکە لەم وەرزەدا کەسەکە پێویستە خۆی بەدووربگرێت لە بۆنی گوڵوگوڵزاری تازە پێگەیشتوو.
- لەکاتی بوونی کێشەی جیوبەکان یاخود کەسەکە تا و ئازاری هەبوو پێویستە سەردانی پزیشکی پسپۆڕ بکات. [1]