ناونیشانی بابەت: بەستەری ژێر زمان
ئامادەکردن: د. #دیلان عارف عەلی#
بەستەری ژێر زمان چییە؟ لە کێدا درووست دەبێت؟ کێشەکانی چین؟
ئەم حاڵەتە لە منداڵدا بەدی دەکرێت لەکاتی لە دایکبوونیدا، کە بریتییە لە درووست بوونی بەستەرێکی کوورت و ئەستوور لەژێر زماندا.
درووستبوونی ئەم بەستەرە کاردەکاتە سەر جوڵەی زمان کە بەباشی ناتوانێت بە ئاڕاستە جیاوازەکاندا جوڵە بکات، بەوەش کاردەکاتە سەر کرداری قسەکردن و خواردن و قوتدان.
=KTML_Bold=نیشانەکان:-=KTML_End=
- کەسەکە ناتوانێ بەباشی زمان ببات بۆ سەرەوە یاخود ئەملاو لا.
- کاتێک کەسەکە زمان دێنێتە دەرەوە شێوەی زمانی لە دڵ دەچێت.
- هۆکاری حاڵەتەکە ئەگەڕێتەوە بۆ بوونی کێشە لە جیناتی منداڵەکەدا کاتێک کە کۆرپەیە لە سکی دایکیا.
- حاڵەتەکە ئەکرێ لە هەموو کەسێکدا ڕووبدات بەڵام زیاتر لە کوڕاندا باوە وەک لە کچان.
- ئەم حاڵەتە مەترسیدار نییە ئەکرێت بە نەشتەرگەریەکی سادە چارەسەر بکرێت. [1]