ناڤنیشانێ بابەتێ: دهۆک.. 300 مین هاتنە راکرن
ئامادەکرنا: #ڕۆژهات لوقمان#
ژلایێ رێڤەبەریا گشتى یا کاروبارێن مین و تەقەمەنیان ل پارێزگەها #دهۆک#ێ ئەڤرۆ د هەوەکێدا، زێدەتر ژ 300 مین و تەقەمەنى ل جهێن جودا جودا هاتنە راکرن.
رێگر بێسفکى، پەیڤدارێ رێڤەبەریا گشتى یا کاروبارێن مین و تەقەمەنیان ل پارێزگەها دهۆکێ بۆ (باسنیوز) دیار کر: ئەڤرۆ رۆژا چارشەمبى 29/3/2023، پشتى ب نڤیسارەکا فەرمى ژلایێ کارگێریا پارێزگەها دهۆکێ ڤە ئەم هاتینە ئاگەهدار کرن کوو ل چەند جهێن جودا جودا رێژەکا مین و تەقەمەنیان هەنە، هەر بلەز تیمێن رێڤەبەریا مە ل وان جهان بەرهەڤبوون و شیان رێژەکا زور یا مین و تەقەمەنیان هەلبگرن.
پەیڤدارێ رێڤەبەریا گشتى یا مین و تەقەمەنیان ل دهۆکێ گۆت ژى: ئەڤرۆ ئەڤ کارە ب هەڤکاریا رێڤەبەریا بەرەڤانیا باژێرى هاتیە کرن کوو زێدەتر ژ 300 پارچێن مین و تەقەمەنیان ل چەند جهێن جودا جودا یێن پارێزگەها دهۆکێ هاتینە راکرن و هەلگرتن، ب ڤى کارى ژى ژیانا خەلکێ پارێزگەها دهۆکێ ژ مەترسیێن مین و تەقەمەنیان دهێتە پاراستن. [1]