جوابو خەستەی شاعېری پەی میرزا ئۆلقاڎری پەی جاری دوەمی، خەستەی شاعېر ئەچی جوابەشەنە پەی میرزای، میرزاش بەردەن پلێوە باڵا، یاونانش پایەو سەعدی شیرازی، ئاردەنش پەرۍ جانبازی، جانبازی پەی عەشقێ هەقیقی، پەی دنیاو عیرفانی، چوونکم دماجار میرزا ئۆلقاڎر حەللاج ئاسا پەی یاوای بە زاتو هەققی ملۊنە سەرو داری.
هەرچەند مەکەرووت سەعدی شیرازی
ماوەرووت ئه و مەشق پەرۍ جانبازی
چوونکە بۍمەجاز هەم بۍمەزاجی
هەر مەشی وە سەر ڕەویەی هەلاجی.
میرزا ئۆلقاڎر جە جوابو خەستەی شاعېرینە بەیانو حاڵو وېش کەرۊن، کە بەڵۍ من واریسو تەختو هەللاجینا، ئاماڎەنا جە ڕاو عەشقی هەقیقینە لاشەم بە قەنارە ۋزان.
بەڵۍ من وارس تەختەی مەنسوورم
جە ڕای موقامات مەڵڵا و شېخ دوورم
شېخ جەزبەی بۍ حاڵ ماوەرۊ ئه و وېش
تا بەڵ چېوێوە باوەران پەرېش
مەڵڵا ناشەرعیش جە حەد ۋیەردەن
تەرک فتوای شەرع حەقیقەت کەردەن
سەیید جە لای وېش عیزەت و جاهەن
(قوتب‌العارفین فەنافی الاهەن)
وە باتن سەرمەشق هەرزەکارانەن
ئامېتەی باڵای واڵای یارانەن.[1]