دکتۆر #لەتیف ڕەشید#، ئێوارەی ئەمڕۆ سێشەممە #11-04-2023#، لە کۆشکی سەلام لە #بەغدا#، میوانداری کۆبوونەوەیەکی کرد کە پێکهاتبوو لە سەرۆک وەزیران، محەمەد شیاع سوودانی، و هەر دوو جێگرانی سەرۆک وەزیر و وەزیرەکان و لێپرسراوانی باڵا.
لە میانی دیدارەکەدا باس لە بارودۆخی گشتی و گرنگترین پێشهاتە سیاسی و ئەمنی و ئابووری و ژینگەیی و خزمەتگوزارییەکان کرا، بە ئاماژەدان بە پێویستی پتەوکردنی لێکتێگەیشتن بە جۆرێک کە بەرژەوەندییەکانی هاووڵاتییان کاری لە پێشینە بێت، هەروەها دوپات لە گرنگی پەلەکردن لە پەسندکردنی بودجەی گشتی، کە شایستە نیشتمانییەکان بەدیبێنێت و ئاسانکاری بکات بۆ جێبەجێکردنی ڕێکارەکانی خزمەتگوزاری و بەرنامەی کاری حکومەت. [1]