=KTML_Bold=ناوەرۆکی کۆبوونەوەکەی قوباد تاڵەبانی و هاکان فیدان ئاشکرادەکرێت=KTML_End=
#هاکان فیدان#، بەرپرسی دەزگای هەواڵگری تورکیا میت چەند مەرجێکی داناوە بۆ یەکێتی نیشتمانی، تا ئاسمانی وڵاتەکەی بەڕووی فڕۆکەخانەی #سلێمانی# بکاتەوە.
ڕۆژنامەی ئاکشامی تورکی، ڕاپۆرتێکی لەسەر کۆبوونەوەی هاکان فیدان بەرپرسی دەزگای هەواڵگری تورکیا و #قوباد تاڵەبانی# جێگری سەرۆکی حکومەتی هەرێم بڵاوکردووەتەوە و ئاشکرایکردووە، کە کۆبوونەوەی ئەو دوو بەرپرسە لە ئەنقەرە ئەنجامدراوە.
هەر بەپێی ڕاپۆرتەکە، لەو کۆبوونەوەیە فیدان مەرجەکانی تورکیای بە قوباد تاڵەبانی گەیاندووە، تا ئەوەی وڵاتەکەی پەیوەندییەکانی لەگەڵ یەکێتی و ئاسمانیش بەڕووی فڕۆکەخانەی سلێمانی بکاتەوە.
هەروەها ڕۆژنامەکە ئاشکراشیکردووە، کە تورکیا مەرجی ئەوەیە کۆتایی بە تەواوی پەیوەندییەکانی لەگەڵ کوردانی ڕۆژاواو بەرپرسانی قەندیل بهێنێت. [1]