گومان لەوەدا نییە کە مۆبایل یەکێکە لە پێویستییە گرنگەکانی ڕۆژانە، لەگەڵ ئەوەشدا وەکوو ئامێرێک بۆ کاتبەسەربردن بەکاردێت، بەڵام زۆرکات دایکان و باوکان بۆ سەرقاڵکردنی منداڵەکانیان مۆبایلیان پێدەدەن، ئەمەش دەبێتە هۆی ئاڵودەکردنیان و دواتر کاریگەریی نەرێنی لەسەر دەروون و جەستەی منداڵەکە درووستدەکات.
=KTML_Bold=(ماڵپەڕی times of india) مەترسییەکانی بەکارهێنانی مۆبایلی لەلایەن منداڵانەوە بڵاوکردووەتەوە.=KTML_End=
1. تووشی کەمخەوی دەکات و شەوان بە ئاسانی خەوی لێناکەوێت.
2. بەردەوام سەرنجی لای مۆبایلەکەی دەبێت و بیری لێدەکاتەوە، بەتایبەت ئەوکاتانەی بەکاریناهێنێت.
3. کەسێکی گۆشەگیر و دوورەپەرێزی لێدەردەچێت.
4. تووشی توڕەیی و کەم ئارامی دەبێت.
5. توانای فێربوونی کار و چالاکییەکانی ڕۆژانەی لاواز دەبێت.
6. زیان بە بینایی چاوی دەگەیەنێت.
7. سیستمی خۆراکیی تێکدەچێت، ڕەنگە بەوهۆیەوە کەمتر یان زیاتر لە ڕێژەی پێویست بخوات. [1]