فراکسیۆنی یەکێتی لە پەڕڵەمانی ئێراق پەیوەست بە بودجەی ئێراق کە ئێستا #17-04-2023# لە پەڕڵەمان گفتوگۆی لەبارەوە دەکرێت چەند داواکاریەکی هەیە و دەڵێت: داوا دەکات بڕگەیەکی تایبەت بۆ تەرخانکردنی شایستەی دارایی لیژنەی بارائۆلومپی کوردستان کە لقێکە لە لیژنەی بارائۆلومپیی ئێراق زیاد بکرێت، هەروەها بودجەیەکی تایبەت بۆ ئاوەدانکردنەوەی پارێزگای #هەڵەبجە# تەرخانبکرێت، داواکاریەکی دیکە بریتییە لە قەرەبوکردنەوەی کەسوکاری شەهیدان و ئەنفالکراوان.
فڕاکسیۆنی #یەکێتیی نیشتمانیی کوردستان# دوو نووسراوی فەرمی بە واژۆی هەرێم کەمال ئاغا، سەرۆکی فراکسیۆن ئاڕاستەی مەحەمەد حەلبوسی، سەرۆکی ئەنجوومەنی نوێنەران کردووە و بەپێی نووسراوی یەکەم، داوا دەکات لە بودجەی ساڵی 2023 بڕگەیەکی تایبەت بۆ تەرخانکردنی شایستەی دارایی لیژنەی بارائۆلومپی کوردستان کە لقێکە لە لێژنەی بارائۆلومپیی ئێراق زیاد بکرێت، لەپێناو بەروپێشبردنی کار و چالاکییەکانی لێژنەکە لە پارێزگاکانی هەرێمی کوردستان.
هەروەها لە نووسراوی دووەم، فراکسیۆنی یەکێتی بەپێی مادەی (61) لە دەستووری ئێراق و ماددەی (15) لە یاسای ئەنجوومەنی نوێنەران داوا دەکات چەند بڕگەیەکی دارایی لە چوارچێوەی بودجە زیاد بکرێت، لەوانە هەڵگرتنی مین و تەقەمەنی و پاشماوەکانی جەنگی ئێراق و ئێران لە ناوچە سنووریەکانی هەرێمی کوردستان.
داواکاریەکی دیکە بریتییە لە قەرەبوکردنەوەی کەسوکاری شەهیدان و ئەنفالکراوان، هەروەها دامەزراندنی سەنتەرێکی تەندرووستی تایبەت بە نەخۆشیی شێرپەنجەی مەمک لە پارێزگای #سلێمانی#.
فراکسیۆنی یەکێتی هەروەها داوای تەرخانکردنی بودجەیەکی تایبەت بۆ ئاوەدانکردنەوەی پارێزگای هەڵەبجە دەکات لەگەڵ درووستکردنی بەنداو و کردنەوەی گۆڕە بەکۆمەڵەکان و هێنانەوەی ڕووفاتی ئەنفالکراوان بۆ زێدی خۆیان و ئەنجامدانی تاقیکردنەوەی DNA بۆ ڕووفاتەکان.
مەحەمەد حەلبوسی، سەرۆکی پەڕڵەمانی ئێراق ڕەزامەندی داوە لەسەر داواکاریەکانی فراکسیۆنی یەکێتی و نووسراوەکانی ڕەوانەی لیژنەی دارایی پەڕڵەمان کردووە بە مەبەستی زیادکردنیان لە پڕۆژەیاسایی بودجە. [1]