ناونیشانی بابەت: بۆچی گرنگە فۆلیک ئەسید بەکاربهێنرێت لەکاتی دووگیانی؟
ئامادەکردن: د. #کەژان کاوە تەها#
ترشی فۆلیک یەکێکە لە ڤیتامینەکان و ناسراوە بە ڤیتامین (B9) ، بەزۆری لە سەو زەواتە ڕەنگ تۆخەکان هەیە لەوانە برۆکۆلی و سپێناخ.
باشترین و سەلامەتترین دەرمانە کە لە ماوەی دووگیانی دەتوانرێ بەکار بهێنرێ بۆ ڕێگری کردن لە ناتەواوی درووستبوونی مێشکی کۆرپەلە و مەڵاشوو و دڕکە پەتک.
گەشەی تەندرووستی ئەندامەکانی دیکەی کورپەلە و درووستبوونی خڕۆکە سوورەکانی خوێن (ڕێگری کردن لە کەم خوێنی) و ڕێگری کردن لە لەبارچوون و منداڵبوونی پێش وەختە.
خانمانی دووگیان یان ئەوانەی پلانی دووگیانبوونیان هەیە پێویستە ڕۆژانە بەلایەنی کەمەوە 400 مایکرۆگرام وەربگرن 3 مانگ پێش و پاش دووگیانبوون، لە مانگی 4 بۆ 9 یەمی دووگیانی 600 مایکرۆگرام و لە ماوەی شیر پێدان 500 مایکرۆگرام پێویستە. [1]