بەڵکوو دەشێت مرۆڤ تاهەتایە بەتەنیا بژیت یان درەنگ هاوسەرگیری بکات و سەرکەوتووش بێت.
پێوەرێکی هەڵە هەیە پێیوایە ئەگەر کچ زوو نەچێتە ناو هاوسەرگیرییەوە شکستی هێناوە، بەڵام هیچ بنەمایەکی لۆژیکی و زانستی پاڵپشتیی ئەوە ناکەن.
لەبیرمان نەچێت کچانێکی زۆر چوونەتە ناو هاوسەرگیری و سەرکەوتوو نەبوونە، یان لە ژیانێکدان کە پڕە لە گرفت و کێشە و لە بوارەکانی تریشدا شکستیان هێناوە. کەوایە کام لا سەرکەوتووترە؟
هاوسەرگیری بۆ کچ و کوڕیش دەبێت دوا پڕۆژەی ژیانیان بێت، بێ بڕینی قۆناغەکانی تر و بێ پێگەیشتن و تێگەیشتن هاوسەرگیری ناکرێت و سەرکەوتووش نابێت.
من چێژ لە قسەکانی #دەشنێ موراد#ی چالاک و هونەرمەند دەبینم کە گوزارشت لە خۆی دەکات، ڕاستگۆیانە باسی خۆی دەکات و ناڵێت: سەد ڕەفزم داوەتە پیاوان! [1]
#ھێما نیازی#