بنەچەو بەگزاڎەکا هۆرامانی
بەشۊ ۋیس و دوەمۍ
پیلانو کوشتەی (ئەوڕەحمان بەگ) کوڕو حەمەسەعیڎسانی:
هەر چا سەروەختەنە، عەلی ئەکبەرخان داواشکەردە حەمەسەعیڎسانی پەی ئانەی خەبەر بکیانۊ پەی (ئەوڕەحمان بەگ) ی کوڕیش کە بگېڵۊۋە پەی جوانڕۊی، پەی ئانەی جە مەراسیمێ شکودارانەنە چەنی تاتەیش گېڵناشاوە پەی (نۆسوڎ) ۍ پەی سەرو دەسەڵاتو وېشان، دمای چوار ڕوۋا ئەوڕەحمان بەگ یاواوە جوانڕو، عەلی ئەکبەرخانی خېرئامایێ گەرم کەرد، دمای پیلانە گڵیاوەکېشا، کە تاتەشو دەمڕاسەکەش (میرزا بابەکر) کوشیێ، (فەیروزە خانم) ە ژەنەو حەمەسەعیڎسانی بە ئەژنەویەی هەواڵو کوشیای مېردەکەیش، قژ و پۊپو وېش ڕنیشەرە، بە پەلە لوا پەی لاو عەلی ئەکبەرخانی، تکاش ۋەنەکەرد کە کوڕەکەیش نەکشۊ، ئاڎییچ پەی چەم بەستەی و هەم پېسە بەزەیێ، چاگە نەکوشتش، کیاستش پەی زیڼانی پەی لاو (ڕوسەم بەگ) ی برایش، دمای یەک ڕۊی فەرمانشدا بە ئازاڎکەردەی ڕوسەم بەگی، چونکم بە تەمەن زاروڵە بۍ، عەلی ئەکبەر خانی خائین و ئەڵقەگۊش هەرگیز چېرو فەرمانو سالارە قاجاریەکانە بەرنەشییەن، دمای ڕۋێ کەسێ ئەشناسو ۋېش بە نامۍ (فەڕاش غەزەب) یش ڕائەسپارا کە بلۊ پەی زیڼانی، چاگە (ئەوڕەحمان بەگ) ی بە بیبینەکەیش خنیکنۊ، هەر چا وەختەنە هەواڵش یاونا بە ئەڎێش (فەیروزە خانم) ۍ کە فریاو کوڕەکەیش بگنۊ، چونکم خەریکەن زیڼانەنە وېش خنیکنۊ، بەشکم پەشیمانش کەرۊۋە، بەڵام بەرنامەکە پاسە مجیابېرە هەکە ۋەڵۍ ئانەی ئەڎاش یاوۊ دلۍ زیڼانی، ئاڎ گیانش بەرشیەبۊ.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 581 جار بینراوە
ڕای خۆت دەربارەی ئەم بابەتە بنووسە!