بنەما بنەڕەتیەکۍ ڕاوڕەچەو یارسانی
بەشۊ پەنجەمۍ
جەم:
جە لاو یارسانەکاوە فرە پیروزەن، پەی هەر مەبەسێ بەسیۊن باو و برەوی وېش هەنش، پەی هەر ئەرکێ دینیشان گەر پېویسش بە گلېربېیەیۆ بۊن پېسە (جەژنە، نیازکەردەی، سەرئەسپارای) جەم بەسان، جەمیچ هەم پېسە ئا یاگۍ کە چەنەش گلېرۍ مەباوە، هەم پېسە گلېرۆبېیەی، دلۍ گردو تێکستە پیروزەکانە قیمەتش دریان پەنەو قسېش سەرکریێنۍ، پەی نموونەی: جە سروودەو تەڵقینەو مەردەینە (جەم) بە پەناگە و یاگۍ خاسەکا جە قەڵەم دریان، چی دوە بەیتەنە ئامان:
پەناگەش هەیبەت جەم ڕاسانەن
جەم مەکانی هەق ڕاگەی خاسانەن.
یەکەمین جەمیچ جە لاو یارسانەکاوە ئا جەمە بېیەن (سان سەهاک) جە (پەردیوەر) دەنە بەستەنش، باوەڕیچشا پاسنەن گرد جەمێ نموونەو جەمەکەو سوڵتان سەهاکیەن.[1]