خانمان بەگشتی ئارەزووی برژانگی درێژ و چڕ دەکەن، بەڵام ڕەنگە بەهۆی فەرامۆشکردنی برژانگیانەوە تووشی هەڵوەرین ببێت، دەکرێت لە ڕێگای ئەم ڕێنماییانەوە پارێزگاری لێبکەیت و ببیتە خاوەنی برژانگێکی پڕ و درێژ.
1. برژانگەکان بە ئاوی سارد بشۆ، چونکە تاڵەکانی برژانگ بەهێز دەکات و ڕێگا لە سووربوونەوەی چاویشت دەگرێت.
2. هەوڵبدە بڕێکی زۆر میوە و سەوزە بخۆ ڕۆژانە، بۆ ئەوەی بڕی پێویست ڤیتامین بچێتە جەستەتەوە.
3. کاتێک لەماڵەوەیت بەتەواوی برژانگەکانت خاوێنبکەرەوە لە پاشماوەی ماکیاژ، دەتوانیت بە زەیتە سرووشتییەکان یان ڤازلین بیسڕیت و تەواوی ڕەشیەکانی لێبکەیتەوە.
4. بەکارهێنانی زەیتی گەرچەک باشترین یارمەتیدەرە بۆ درێژبوونی برژانگ و چڕکردنی.
5. واز لە هەموو ئەو ڕەفتارانە بهێنە کەدەبێتە هۆی ئەوەی برژانگ هەڵبوەرێت، وەک سڕینی بەشێوەیەکی توند.
6. بەکارنەهێنانی هەموو جۆرە ماسکارایەکی خراپ، هەوڵبدە مارکەیەکی باشی بۆ بەکاربهێنە. [1]