سپێدەهییا ئەڤرۆ رەجەب تەیب ئەردوگان، سەرۆککۆمارێ تورکیا توویتەک ب ناڤێ ” برایێن من یێن کورد یێن خۆشتڤی ” بەلاڤکر.
رەجەب تەیب ئەردوگان، سەرۆککۆمارێ تورکیا سپێدەهییا ئەڤرۆ د هەژمارا خۆ دا توویتەکێ تایبەت بۆ کوردان بەلاڤکر و تێدا ڕاگەهاند، بۆ دەستەبەرکرنا مافێن هەوە کو وەک شیرێ دایکێ بۆ هەوە د حەلالن، مە خەباتەکا مەزن کریە.
ئاژانسا ئەنادول بەلاڤکریە، د توویتێ سەرۆککۆمارێ تورکیا دا هاتییە، هەر کەسەک بزاڤان بکەت ب گەفێن تیرۆرێ ئاریشەیان دروست بکەت و مە ڤەگەڕینیتە تورکیا پێشتر، دێ مە ل بەرامبەری خۆ بینیت. هەر کەسەک بزاڤان بکەت چەکی بدەتە زارۆکێن کورد ژبۆ وێ یەکێ ببنە سەرباز و پۆلیس و وەلاتییێن مە بکەنە ئارمانج، دێ مە ل بەرامبەری خۆ بینیت.
گۆتیە ژی: “دا کو دایک نەکەنە گری و جەرگێ وان نەهێتە سۆتن، مە بزاڤێن جددی کرینە، هوین شاهدێن وان بزاڤێن مە نە، بێگومان هوین د ئاگەهدارن کا چ جۆرە داڤەک بۆ مە هاتینە دانان و هەتا نوکە ئەم ب سەر چەند بەربەستان دا ب سەرکەڤتینە، مە کێم و کاسی هەنە و هندەک تشت هەنە کو مە دڤیا مە کربان و مە نەشیایە، لێ دەستکەفتێن مە بۆ ماف و ئازادییان بۆ تورکیا د دیارن، بێگومان ئەم رێکێ نادەین ئەڤ چەندە پاشڤە بزڤڕیت.”
سەرۆککۆمارێ تورکیا دیارکریە ژی،”هەر کەسەک بزاڤان بکەت ب گەفێن تیرۆرێ ئاریشەیان دروست بکەت و مە ڤەگەرینتە تورکیا پێشتر، دێ مە ل بەرامبەری خۆ بینیت. هەرکەسەک ژ پێخەمەت هێزێن ئیمپریالیست دا ئارامییا گەلێ مە بکەتە ئارمانج، دێ مە ل بەرامبەری خۆ بینیت. هەرکەسەک بزاڤان بکەت دەست بۆ مافێن هەوە ببەت دێ رەجەب تەیب ئەردوگان و هەڤپەیمانییا جمهوری بەرامبەری خۆ بینیت، ئەگەر خودێ تەمەنی و حوکمڕانییێ بدەتە مە، جارەکا دی ل ڤی وەلاتی دایک ناکەنە گری و کەس نەشێت ب زۆری زارۆکێن هەوە ببەتە چیای و کەس نەشێت گەفان ل خۆشک و برا و کوردان بکەت و ب هێزا چەکی ئیرادەیا وان کۆنترۆل بکەت.”[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 471 جار بینراوە
ڕای خۆت دەربارەی ئەم بابەتە بنووسە!