ناونیشانی بابەت: دەردە ناوپۆشی منداڵدان
ئامادەکردن: د. #کەژان کاوە تەها#
بریتییە لە درووستبوونی شانەی هاوشێوەی ناوپۆشی منداڵدان لەدەرەوەی منداڵدان وەک هێلکەدان و جۆگەی فالوب وە بە ئەگەرێکی کەمتر لە بەشە جیاجیاکانی ناوچەی سکدا درووست دەبێت کە دەبێتە هۆی درووستبوونی ئیلتیهابات و شانەی برین لە حەوزدا.
تاوەکوو ئێستا هۆکارە سەرەکییەکانی تووشبوون بەم نەخۆشییە دیارینەکراوە، بەڵام هەندێک هۆکار هەیە بۆ ئەگەری تووشبوون لەوانە:-
- بۆماوەیی
- گواستنەوەی شانەکانی ناوپۆشی منداڵدان بۆ ناوچەکانی دیکەی جەستە لەڕێگای خوێن و لیفمەکانەوە، بەهەمان ڕێگای بڵاوبوونەوەی شێرپەنجە لە جەستەدا.
- پێوەلکانی ناوپۆشی منداڵدان بە دیواری سکەوە دوای نەشتەرگەری.
- گەڕانەوەی شانەکانی ناوپۆشی منداڵدان بۆ جۆگەی فالوپ و سک لەجێی چونەوە دەرەوە لە جەستە لەکاتی سووری مانگانە.
=KTML_Bold=لە نیشانەکانی بریتین لە:-=KTML_End=
- بوونی ئازارێکی زۆر لە کاتی سوڕی مانگانە و سەرجێی و جوڵەی ڕیخۆڵەو میزکردن.
- بوونی ئازاری درێژخایەن لە ناوچەی حەوزدا.
- ناڕێکی سوڕی مانگانە و هەبوونی خوێن لەنێوان کاتی سوڕێ مانگانە.
- دڵتێکەڵهاتن.
- نەزۆکی. [1]