=KTML_Bold=هەنگاوەکانی لاهور شێخ جەنگی، بۆ درووستکردنی هێزی سەربازی بەردەوامن=KTML_End=
هەنگاوەکانی #لاهور شێخ جەنگی# بۆ درووستکردنی هێزی سەربازی بەردەوامن. بۆ ئەو مەبەستەش دوو کۆبوونەوەی لەگەڵ بەرپرسانی هاوپەیمانان لە هەرێمی کوردستان ئەنجامداوە.
لە ماوەی هەفتەی ڕابردوو لاهور شێخ جەنگی دوو کۆبوونەوەی جیاوازی لەگەڵ بەرپرسانی هاوپەیمانی نێودەوڵەتی دژی داعش ئەنجامداوە.
کۆبوونەوەکانی لاهور شێخ جەنگی لەگەڵ بەرپرسانی هاوپەیمانان، بۆ مەبەستی تاوتوێکردنی درووستکردنی هێزێکی تایبەتە لەدەرەوەی هێزەکانی یەکێتی نیشتمانی.
لاهور شێخ جەنگی، کە خۆی وەک هاوسەرۆکی یەکێتی نیشتمانی دەناسێنێت، دەیەوێت لە ڕێگەی هاوپەیمانان، هەم پشتگیری نێودەوڵەتی، هەم پشتگیری لەڕووی دابینکردنی چەک و ڕاهێنانی پێویست بۆ هێزەکەی دەستبەربکات. [1]