ئەمڕۆ چوارشەممەڕێکەوتی #10-05-2023#، بە شێوەیەکی فەرمی دەروازەی سنووریی نێودەوڵەتیی زێت کە دەکەوێتە ئیدارەی #سۆران#، لەنێوان هەرێمی کوردستان و تورکیا کرایەوە.
کارەکانی دەستپێکردنی کردنەوەی خاڵە سنوورییەکە بۆ ساڵی 2021 دەگەڕێتەوە، کە جگە لە هاموشۆی گەشتیاری، بۆ بزاڤی بازرگانی پەرەی پێ دەدرێت و بەگەڕ دەخرێت.
هەڵگورد شێخ نەجیب، سەرپەرشتیاری ئیدارەی سەربەخۆی سۆران، بە فەرمانگەی میدیا و زانیاریی ڕاگەیاند: “کار بۆ ئەوە دەکرێت جوڵەی بازرگانی لە دەروازەکە بەگەڕ بخرێت”.
دەروازەکە ڕۆژانە لە کاتژمێر 8ی بەیانی تاکوو 8ی شەو کراوە دەبێت و پێشوازی لە هاووڵاتییان دەکات.
دەروازەی نێودەوڵەتیی زێت، دەکەوێتە سنووری شارەدێی شێروان مەزن، لە شارۆچکەی مێرگەسۆری سەر بە ئیدارەی سەربەخۆی سۆران و دەبێتە دەروازەیەکی نوێی نێودەوڵەتی لەنێوان هەرێمی کوردستان و تورکیا. [1]