کێشەی نێوان بوک و خەسوەکان کێشەیەکی باوی خێزانییە، هۆکاری زۆرە و چارەسەری ئاسانە، کاتێک دایکێک دەبێت بە خەسو، بە چەند ڕێگەیەکی سادە دەتوانێت کۆتایی بە کێشەکانی بهێنێت لەگەڵ بوکەکەی.

=KTML_Bold=1. وەکوو کچەکەت مامەڵەی لەگەڵ بکە=KTML_End=
وابیر بکەرەوە ئەو کچەی دەبێت بە بوکت، کچی خۆتە و یەکێکە لە ئەندامانی خێزانەکەت، بەم شێوەیە تەنانەت ئەگەر لێکتێنەگەیشتنیش ڕووبدات، کێشەکان چارەسەر دەبن هەروەکوو چۆن کێشەی نێوان دایک و کچ درێژە ناکێشێت.
=KTML_Bold=2. دەستوەرمەدەرە ژیانیان=KTML_End=
گرنگە خەسوەکان ڕێگە بدەن، کوڕەکەی لەگەڵ هاوسەرەکەی پێکەوە کێشەکانیان چارەسەر بکەن، نەک کاتێک ئەو دوو هاوسەرە کێشەیان دەبێت، دەستوەربداتە کێشەکەیانەوە، هەروەها ڕێگە بدەن ئازادی خۆیان وەربگرن و ڕێز لە تایبەتمەندییەکانیان بگرە.
=KTML_Bold=3. دەستوەرمەدەرە شێوازی منداڵ بەخێوکردنی=KTML_End=
ڕەنگە تۆ لە سەردەمی خۆتدا بە ڕێگەیەکی جیاوازتر منداڵەکانت گەورە کردبێت، بەڵام بوکەکەت شێوازی خۆی هەیە بۆ ئەوەی منداڵەکانی گەورە بکات.
=KTML_Bold=4. بیر لە خەرجییەکانی مەکەرەوە=KTML_End=
کوڕەکەت هەرچەند پارە خەرج بکات بۆ هاوسەر و منداڵەکانی، پەسەندی بکە کە ژیانی تایبەتیی خۆیانە و بیرۆکەیەکی باش نییە لەوبارەیەوە بدوێیت لەگەڵیان. [1]