ل ساڵا 1966 ل باژێڕێ هەڤلێر و ل تاخا تەیراوە ژدایک بوویە خوەندنا سەرەتایی و ناڤەندی و ئامادەییا پیشەیی ل هەڤلێرێ تمام کرییە. ل ساڵا 1983 دست ب کارێ هونەری کرییە، ئێکەم سترانا وی بناڤێ دوعا ئەکەم شەو و ڕۆژ بوویە کو بەرهەمێ قادر سیاحییە، پشترە بەرهەمێن زێتر هەبووینە و ل ناڤا گەنجێن هەڤلێرێدە دێ بەرنیاس بیت.
زیاد ئەسعەدێ هونەرمەند ئێکەم کاسێتا خوە ل ساڵا 1988 تومارکرییە .
ل ساڵا 1989 سەردانا ڕوژهەڵاتێ کوردستانێ و ئیرانێ کرییە لوێرێ سەردانا چەند هونەرمەندان کرییە لوانا هونەرمەند سەعید قەندی و گول پایەگانی، ڤەگەڕیایە کوردستانێ و ل ساڵا 1990 ئەلبومەک بڵاڤ کرییە و ل ساڵا 1993 ئەلبومەکە دن بەلاڤ کرییە پشترە کوردستان بەرەف ئێرانێ بجﮪ هێلایە و فێری ئاوازدانان و زمانێ فارسی بوویە پشتڕە چوویە ڕوسیا هەیامەک زور وانەیا فێربونا میوزیکێ و شێوەیێن کارکرن لسەر ستایل و جورێن سترانان خوەندییە، بو ماوێ 2 ساڵان ل ڕوسیا مایە و فێری زمانێ ڕوسی بوویە پشترە چوویە کەنەدا لوێرێ ژی فێری زمانێ ئنگلێزی بوویە پشترە چویە سوید بو ماوێ 3 ساڵان ل قوتابخانەیا هونەرێ کەلتورێ موزیکا جیهانی خوەندییە، ل چەند ئامیرێن میوزیکێ وەکە کیبۆرد و کلارنێت و پێشتریش ل کوردستانێ فێری ئامیرێ شمشاڵێ ببوو. هونەرمەند زیاد ئەسعەد ل ساڵا 1998 ئەلبومەکە سترانان ب ناڤێ نەمزانی بەڵآڤ کر و ل ساڵا 2001 چەند سترانەکێن دن ب ڕییا پڕۆگرامێ کەناڵێ ئاسمانی (#مەد تی ڤی#) بڵاڤ کرن و ل ساڵا 2003 ئەخیر ئەلبوما خوە بناڤێ (سکاڵا) بەڵاڤ کر، ل مەها 6یا ساڵا 2010 دا ب ئامادەبوونا بەشەکە زور یا ڕۆژنامەڤانێن هونەری، ل کۆنگرەیەکە ڕۆژنامەڤانیدە ئەو وەشان کر کو پشتی هەیامەکێ دن بەرهەمێ تازە یێ وی دکەڤیتە بەر گوهێ هۆگرێن دەنگێ وی. زیاد ئەسعەد د پەیاما وەدە ئەو ئاشکرە کر کو ئەو کۆمپانیایێن هونەری و ڕێڤەبەری کارێن وی، بەلێنا هندێ دایێ کوو ب بەرهەمێن تاز ڤەگەڕت ناڤا هەوادارێن خوە، هەڤدەم ئەو ژی گووت کو ڤی بەرهەمەی ل ڕوویێ کوالیتی جیاوازییەکە زیو دگەک بەرهەمێن دن هەنە. ئەڤ بەرهەمێ زیاد ئەسعەد،ناڤێ وێ سویند دبیت، لێ بەلێ ئەڤە چەندین ساڵ بسەر ڤێ سوزا وی تێپەڕی وهەیا نها توو تشتەک دیار نییە.[1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 885 جار بینراوە
ڕای خۆت دەربارەی ئەم بابەتە بنووسە!