ناڤ: حەسەن
ناسناڤ: حەسەنێ جزیری
ناڤێ باب: فەتاح
ساڵا ژدایک بوونێ: 1917
جهێ ژدایک بوونێ: #جزیرا بۆتان#
ساڵا وەغەرا داوی: 1983
جهێ وەغەرا داوی: #زاخو#
$ژیاننامە$
حەسەن فەتاح ئەحمەد یێ بەرنیاس ب حەسەنێ جزیری د ساڵا 1917 ل باژێڕێ جزیرا بووتان یا باکوورێ کوردستانێ ژدایک بوویە، دایکا وی د ژیێ زاروکێ دە وەغەرا داویێ کر و حەسەن نکاری دایکا خوە ببینیتن. ژبەر سەختی یا ژیانێ بابێ وی فەتاح ل ساڵا 1930 دێ بەرەف زاخو کۆچ بکەت، حەسەن ل ژیێ 10 سالێ دە دێ تویشی نەخوەشیەکە چاڤان بیتن و هێدی هێدی دێ بیناهیا خوە ژدەست دەتن. حەسەن ل زاخو لبەر گوزەرانا ژیانا خوە دبیتە شاگردێ سەفاڕا ، دگەل ڤێ کارێ خوە یێ نوو دگەل سەعید ئاغایێ جزیزی بوو هێدی هێدی فێرە ستران گوتنێ بوو، ئەو پشتی #محەمەد عارف جزیری# هاتە زاخو و د دەمێ کو ل زاخو بوون بهەڤرە دچوونە شنگالێ ژبو ستران گووتنێ چونکی حەزەکە تایبەت یا وان هەردوویا بوو. ساڵا 1933 و ل 16 ساڵیدە ئێکەم سترانا خوە تەڤی کۆمپانیایەکە #قامشلوو# یا #روژئاڤایێ کوردستان#ێ تومار کر، ساڵا 1942 بەرەف بەغدا کەفتەڕێ و هونەرمەند #عەلی مەردان# ل پشکا کوردی یا ڕادیویا بەغدا دیت و ئێکەم ستران بناڤێ یار گەورێ و بابێ سەیدوی ل وێرێ تومار کر و پشتڕە ب فەرمی ل ئێزگەی هاتە دامەزراندن، ل وێرێ تەڤی ئافرەتەکە عەرەب ژیانا هەڤژینی یێ پێک هینا، حەسەنێ جزیری گەلەک رادیویا بەغدا دەولەمەند کر ب سترانێن خوە. دەنگێ وی نە بتنێ ل عیراقێ ما و سترانا وی یا کەڤوکێ ب چەند زمانان هاتییە گوتن. حەسەنێ جزیری ساڵا 1958 فێری ئامێرێ عودێ بوو و پشتی ڤێ فێر بوونێ وی بخوە ئاواز بوو سترانێن خوە دادنان.
جزیری د ژیانا خوە یا هونەری دە 306 ستران تومار کرینە کو دبیتە 30 دەمژمێر و لسەر ئاستێ ڕادیویا بەغدا لدویف هەر ئێک ژ هونەرمەندان عەلی مەردان 60 دەمژمێرێن سترانا و #ڕەسول بێزار گەردی# 40 دەمژمێر دبیتە سێهەم هونەرمەند کو پترین ستران تومار کرینە.
ساڵا 1982 پشتی خانەنشین بوونا وی ل ڕادیویا کوردی یا بەغدا تەڤی خێزانا خوە بەرەف زاخو کەتنە ڕێ.
د شەڤا جەژنا ڕەمەزانا ساڵا 1983 ل باژێڕێ زاخو وەغەرا داویێ کر و هەر ل وێرێ هاتە بخاک سپاردن[1].
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 652 جار بینراوە
ڕای خۆت دەربارەی ئەم بابەتە بنووسە!