داگیرکەر نەک هەر خاک و سامانو میللەتا داگیر کەرۊن، بەڵکو فەرهەنگ و ئاوەز و خەڵکەکەیچ دەسەمۊ کەرۊن، ئاڎ پەی درېژەدای بە داگیرکاری، کۊشش کەرۊن پەی ئاستەیۆ فەرهەنگ و کەلتوورە دماکۆتەکا و نمازۊ تەقەیۊر جە ئاوەز و ویر و باوەڕو میللەتی داگیرکریاینە ڕوە بڎۊ.
مەگېڵناوە: ڕوێ سەفیروو ئینگلیسی جە دهلینە (وڵاتو هیندستانی) یاگێوەنە گوزەر کەرۍ، تەماشەش کەرد جوانێوە شەقێوەش ماڵا گاۋېرە.
گاوەیچ لاو هندیەکاوە یاگۍ قەڎر و حورمەتینە! سەفیر وەستەرەو ماچێ گاوەکېش کەردە، سەرەش پەی نامنارە!
ئا خەڵکۍ کە پارە بېنۍ، دیشا کابرەیوە غاوارە ئڼە گاوەش لاوە مەبارەکەنە و سەرەش نامنۆرە پەی، جۊششا جماو جوانەکەشا دا وەروو شەقا، ئانېشا چەنی فەرمانداری بېنۍ بە سەرسامیۆ پەرساشا وەنە:
ئینە چ هەرمانێ بۍ کەردەت؟
فەرماندار کەردشەو جواب: ئی شەقۊ جوانە بە ئاگایە، تاوۍ هەزارساڵۍ فەرهەنگوو هیندووستانی وەڵۍ وزۊ، وەلێم من وەرم چەنە گېرت!
داگیریکەر بە گردو تەوانایشۆ کۊشش کەرۊن پەی ئاستەیۆ فەرهەنگ و کەلتوورە ناشیرینەکا دلۍ میللەتی داگیر کریاینە.[1]
@shnaw_kaimnay
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 118 جار بینراوە
ڕای خۆت دەربارەی ئەم بابەتە بنووسە!