ل ڕوژا #22-12-1951# ل ماڵباتەکە هونەری ل باژێڕێ #سنە# یا ڕوژهەڵاتێ کوردستانێ ژدایک بوویە. خوەندنا خوە یا سەرەتاییا موزیکێ لبن چاڤدێریا بابێ خوە و هونەرمەندێ موزیک زانێ کورد #حەسەن کامکار# فێر بوویە. ساڵا 1972 لە لقا موزیکێ ل کۆلێژا هونەرێن جوان یا زانینگەها تەهرانێ هاتە وەرگرتن. پشترە تەڤی هونەرمەندێن بەرنیاس یێن ئیرانی محەمەد ڕەزا لوتفی و حوسێن عەلیزادە و پەرویز موشکاتیان و گروپێن موزیکی یێن شەیدا و عارف دامەزراند. ڤان دوو گروپان چەند کۆنسێرتێن سەرکەتی ب دەنگێ ستران بێژێ ناڤدارێ ئیرانی محەمەد ڕەزا شەجەریان و هونەرمەندێ خودان شیانێ کورد #شەهرام نازری# بڕێڤەبرینە و هەروەسا چەندین ئەلبووم تۆمار کرینە کو بێ شک لوان بەرهەمێن بهێزە کو ل موزیکا ڕەسەنا ئیرانی و کوردیدە جهەکێ تایبەت ژبو خوە دیار کرییە.
پەشەنگ کامکار تەڤی گروپا موزیکا #کامکاران# کومەک بەرهەمێن ب پیت تۆمار کرینە و ل زوربەی وڵاتێن جیهانێ کۆنسێرتێن ستران و موزیکا کوردی پێشکەشی گوهدار و شەیدایێن موزیکا ڕەسەن کرینە، هەروەسا تەڤی ماڵباتا خوە ل زوربەیا فیستیڤاڵێن گرنگ یێن موزیکا جیهان ب سەرکەتی پشکداری تێدا کرییە، لوانا: ڤیستەڤاڵاWOMAD ب سەرپەڕشتیا پیتێر گابریێل و سامێر ئێستیچ ل نیۆیۆرکێ، ڤیستەڤاڵا موزیکا لۆچیانۆ بریۆ ئاوازدانەرێ مۆدێرنێ ئیتاڵی ل وڵاتێ بەریتانیا ل ساڵا 2004، ڤیستەڤاڵاتیمی تار ل باژێڕێ ئاگادیر یا وڵاتی مەراکیش ل ساڵا 2006 و هەروەسا ڤیستەڤاڵا باربیکەن سەنتێر Barican Canter ل وڵاتێ بەریتانیا ل ساڵا 2008.
هونەرمەندێ موزیک زانێ کورد پەشەنگ کامکار پەرتووکێن شیوە سنتورنوازی، موج، یادگاران، گل نیاز و ردیفی میرزا عەبدوڵڵای ژبو ئامیرێ سەنتوورێ نڤیسینە و هەنووکە ل زانینگەها هونەر و بیناسازیا تەهرانێ ئامیرێ سەنتوورێ ب ئالییەکێ پرۆفێشناڵ ب خوندەڤانان دبێژنەڤە و هەروەسا ل فێرگەها موزیکا کامکاران ل باژێڕێ تەهرانێ خەریکێ وانە گوتنا ڤی ئامیرینە ب خوندەکارێن پشکا موزیکێ . [1]