با خەڵکی بە هەر نەزانمۍ:
عەنتیکە ۋرەشێوە ڕاش کەوتە یانەو کابرەیوە فەقیرلەی و کاسەیوە قیمەتی و قەۮیمیش دی کە گۊشەیوە یانەکەینە نریانەرە و کتێوە ئاویش چەنە وەرۊوە.
عەنتیکە ۋرەش وەروو وېشرە واتش: ئەر قیمەتوو کاسەکەی پەرسوو ڕەنگا ساحیب یانە زانۊ ئی کاسە قیمەتیا و داواو گرانی کەرۊ، خاستەر ئانەن وەڵېنە مامەڵەو کتەکۍ کەروو، جا بە ساحیب یانەیش وات:
لالۊ گېیان کتەکېتا فرە زەریفەنە نمەۋرەشدېش؟
ساحیب یانەیچ کەردشەو جواب:
چڼش پەنەمۮەی؟
عەنتیکە ۋرەشی وات: درهەمێوە.
ساحیب یانەیچ دەم و دەس نەما ملو کتەکۍ و داش دەسو کابرایەو و واتش: خێرەش چەنە وینی.
عەنتیکە ۋرەشیچ وەڵۍ ئانەینە بزیۊرە، واتش:
ڕەنگا ئی کتۍ ڕارە تەژنەش بۊ، کاسەکەیچم پەنە ورەشە!
ساحیب یانەیچ ماچۊ: قوربانەو چەمات بوو
ئی کاسە تائیسە پەنج کتېش پەی ۋرەتەنا.
چېوێ عەنتیکەن، چەنیش ۋرەشوو؟
با خەڵکی بە هەر نەزانمۍ![1]