دوای شاندە ئەمنییەکەی ئێراق، شاندێکی ئەمنی هەرێمی کوردسانیش سەردانی ئێرانی کردووە و بڕیارە لە تاران بەشداری کۆبوونەوەیەکی باڵای هەردوو وڵات بکەن.
شاندە باڵاکەی هەرێمی کوردستان بەرەو تارانی پایتەختی ئێران بەرێکەوتوون و بڕیارە بەشداری کۆبوونەوەیەکی باڵای ئەمنی نێوان بەرپرسانی ئێراق و ئێران بکەن.
کۆبوونەوە ئەمنییەکەی تاران تایبەتە بە پرسی جموجوڵ و بارەگای هێزەکانی ڕۆژهەڵاتی کوردستان لە هەرێمی کوردستان، کە تاران داوای داخستنی بارەگای ئەو حیزبانە و ڕێگری لە جموجوڵەکانیان دەکات.
ئەو شاندەی ئێراق، کە ئێستا لە تارانن و قاسم ئەعرەجی ڕاوێژکاری ئاساییشی نیشتمانی سەرۆکایەتی دەکات، چەند ڕۆژێک پێش ئێستا لە هەرێم بوون و لەبارەی ئەو پرسەوە گفتوگۆیدان لەگەڵ بەرپرسانی هەرێم، بەتایبەتی بەرپرسانی یەکێتی نیشتمانی لە #سلێمانی# کردووە. [1]