گاۋە گەر نانو سواڵۍ بوەرۊ، ئیتر چەنی هیتە کەرۊ.
باخدارېوە مېژیۊرە هەتا پیشێوە بڎۊ، پەی ئینەیە گاوەکېچش نەلۊ پیلاو پەولارەو زەرەرێوە بڎۊ، بینۊش درەختېوەرە. سواڵکەرېوە مەی نزیکو گاوەکېنە کەل و پەل و جل و سیپاڵش منیۊرە هەتا وەنەوزێ کەرۊ، وەختارێ وەرمش گنۊ پۊرە، گاوەکۍ سەرە کەرۊ خورجینەگرفترە و واردەمەنیش چەنە بڕۊ،
سواڵکەر عانێ هایش بۊوە و تەماشەو خورجینی کەرۊ، وینۊ گاوەکۍ زاڎش چەنە بڕیەن!
ئېڎیچ ملۊ یەخۍ ساحېب گاوی گېرۊ، داواو ۋجارایش کەرۊ.
وەلێم ساحیب گاو کەرۊوە جواب:
لالۊ گېیان، مشیۊ تۊ گاوەکۍ من ۋجاری!
سواڵکەریچ ماچۊ:
تۊ چ زەرەرێت وەنە کەوتەن؟
ساحیب گاویچ ماچۊ:
چوون تۊ نانوو سواڵېت نېیان دامنۆ گاوەکېم.
گاوەیچ نانو سواڵۍ و مفت وەری وەرۊ، ئیتر کەی هیتەم پەی کەرۊ![1]