ئەجۊ چەقاوەسوون
مەگېڵناوە، جە شارو ئەستەنبووڵی، سەردەمو عوسمانیەکا، کابرێوە دەسگېڕ، خەریکو کاسپی بېیەن، بەڵام فرە چەنەباز، هەم چەنەزان، پانەیە زیندەگی وېش گوزەرنان.
ئا کابرا دەسگېڕە، یەرۍ تەرمۊزېش پەنە بیېنۍ (تەرمۊزێ چایی، تەرمۊزێ قاوە، تەرمۊزێ ئاوی) ، هەر یەرش بەستېنۍ مېیاتەنگاشەرە.
وەختێ هاوارش کەردەن پەی کېشتەی مشتەریەکاش، نامۍ هەر یەریش شۊنەو یۊیرە واتېنە (چە...ڤاوە..سوو) ، کە زوانی تورکینە پی مانێ مەیان:
چە: چای
قاوە: قاوە
سو: ئاوی
دماتەر جە ڕاو ئا کەساوە کە سەربازۍ بیېنۍ جە سوپاو عوسمانینە، هەم ئا کوردۍ هەکە شارو ئەستەنبووڵینە وانانشا، دەسەواچەکېشا ئاردېنۆ پەی ئېگەی.
هەر کەسېو فرە دوۊ، یان چەنەباز بۊ، پەنەشان واتەن: ئەجۊ کابراو چەقاوەسوویەن.[1]