پاش ئەوەی #ئەڤین سەعید# یەکەم میدالیایی بۆ هەڵبژاردەی ئێراق دەستەبەر کرد ، دووبارە #مریەم عەبدولحەمید عەبدولڕەحمان#ی کیژە پاڵەوانی #یانەی وەرزشی پێشمەرگە# و یاریزانی هەڵبژاردەی ئێراق توانی دووەم میدالیا بەدەست بهێنێت بۆ هەڵبژاردەکە و بە یەک مەتر و 74 سانتیم لە یاری بازی بەرز پلەی سێیەمی بەدەست هێنا و بووە دووەم کیژە پاڵەوان .
مریەم لەپاڵاوتنی هەڵبژاردەی ئێراق کە یارییەکانی لە شاری بەغدا بەڕێوەچوو یەک مەتر و 73 سانتیم بازی دا و لە کێبڕکێ بەهێزەکانی وڵاتانی عەرەبی توانی ئەو ژمارەیە بەرز بکاتەوە .
بە و ئەنجامانەش هەردوو کیژە پێشمەرگەکەی کوردستان و یاریزانانی هەڵبژاردەی ئێراق تەنیا یاریزان بوون کە ئەنجام دەستەبەر بکەن و میدالیا بۆ خاکی نیشتمان بهێننەوە .
لە ڕۆژانی 23 و 24 ی حوزەیران یارییەکان بەردەوامی دەبێت و هەڵبژاردەی کچانی ئێراق لە ڕکابەرییەکانی دا بەشداری لە یارییەکانی پۆستە دەکات.[1]