هەنار یەکێکە لەو میوە پاییزیانەی، سەرەڕای جوانیی شێوەی، سوودی یەکجار زۆریشی بۆ تەندرووستی هەیە.
پزیشکان و پسپۆرانی بواری خۆراک ئاشکرای دەکەن کە هەنار خوێن پاک دەکاتەوە، هاوکات فشاری زۆری خوێنیش کەم دەکاتەوە.
ئاماژەیان بەوەش داوە لە یەکێکی دیکە لە سوودەکانی هەنار ئەوەیە کە کێشەی کەمخوێنی چارە دەکات و چارەسەری بەکتریاکانی ناو ڕیخۆڵەش دەکات.
هەروەها پسپۆرانی بواری خۆراک ئەوەشیان خستووەتە ڕوو کە هەنار بۆ کۆخە و هەڵامەت باشترین دەرمان و چارەسەرە، هەروەها نەخۆشیی سکچوونیش بەخێرایی چارە دەکات. [1]