بە زەڕەو هەری وەهار نمێ
پېسە واتەنشا (هەر) دڵش بە وەهاری وەش هەن، حەزش چا فەسڵەینە، چوونکوم وەهار فەسڵو سەوزایی و تەڕین، یانی فەسڵو ژیوایۆ زەمینین، پەوکەی (هەر) چا فەسڵەنە دڵش وەش هەن.
ماچان وەختێ (هەر) دڵش وەش بۊ، پەی نیشادای دڵ وەشیەکەیش (زەڕۊ) . زەڕەو هەری گولەن، بەڵام بەرۋستەو وەشی ناخو هەریەن.
زەڕەو هەری بېیەن بە ئیدیۆمێ باو دلۍ خەڵکینە، پەی کەسێ بەکارش ماران هەکە بە سادەیی و ئاسانی مڎیۊ پەی قومیاکا، پەی دما ڕۊی. پەی نموونەی ئا نۊعە کەسۍ بە دڵ سافی وېشا، ماچان بار و زرووف خاس بۊو هەرزانی گنۊرە، بەڵام کەسی بە تەجرەبە ماچۊ: برام ئانە هەرمانۍ ئاسان نېیەن، بە چن قوناغێ شۊنەو یۊیرە بەرهەم گېرۊن، ئەها وەڵینەکېما واتەنشا: بە زەڕەو هەری وەهار نمێ، یانی بە چېوێ گولانە تەقەیۊرێ گۆرە ڕوە نمەڎۊ.[1]