تاوانو ئەرمەنەکا دلۍ سوپاو ڕووسیای:
شاخۆڤسکی باس چا تاوانا کەرۊن کە ئەرمەنەکا دلۍ سوپاو ڕووسیای وەراوەر بە کوردەکا، چ کوشتارێشا چەنە کەردېنۍ، فەرماندە و سەربازەکۍ ڕووسیای دژ بە کوردەکا هانی دېنۍ،
نویستەنش: پەوکەی ئا کوردۍ کە تەسلیمۍ ئېمە بان ئەرمەنەکۍ گېراشاو کوشاشا، باس جە حاکمو قەفقازی کەرۊن کە کناچڵێ ئەرمەڼییە کەران ژەنیش، دمایی حاکم نەوەش مەگنۊو ژەنەکېش پېسە شاژەنۍ هەرمانە و بارو قەفقازی و گرفتو کوردی مەگنۊ چېرو دەسو شاژەنۍ، ئا شاژەنۍ ئانەی ئاردش ملوو کوردیرە یاگۍ شەرمەزارین، ئینسان وەختێ موانۊشۆ گرەوەش مەی پەی کوردەکا، ئا کوردۍ کە مەیانە دلۍ سوپاو ڕووسیای کوشاشاو دەس درېژی مەکەران سەرو نامووسیشان، سەرکەردەکاشا دوور مەوزاوە پەی (سیبریا) ی کە تاکو ئیسەیچ بۍ سەرو شۊنېنۍ، ئی بەڵگەنامەو چڼین بەڵگۍ تەرۍ ئا بوختانە بۍ بنەمایا بە دروۍ مەوزاوە هەکە تاکو ئیسە کریێنۍ دەربارەو پېوەڼی کوردەکا و ئەرمەنیەکا، کە کوردەکۍ قەتڵوعامو ئەرمەنەکاشا کەردەن.[1]