ئەوەی بیرێ و نەیکا چێره
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (ئەوەی بیرێ و نەیکا چێرە) ، ئەوە ڕێک پێچەوانەی ئەو ئیدیۆمە کە دەڵێت: ئەوەی بیرێ و بیکا شێرە، ئەوەی نەیرێ و بیکا مێرە، پیاوی مەرد بەئاشکرا وەکوو شێر وایە و بەنهینیش وەکوو مێرد و جوامێر وایە، بەڵام لێرەدا ئەوەی قسان بکات و پێی جێبەجێ نەکرێت لەگەڵ ( چێر، مانگا) لێکچواندیان بۆکردووە، وەکوو ژن هەژمارکراوە چونکە (چێر) مێینەیە، بۆ ئەو پیاوانەی وەکوو سەگی هەڵەوەڕ هەر قسان دەکەن و کاروکردەوەی پێ ناکەن، لە خۆشناوەتیدا بە سووک سەیریان کردووە حیسابی ژن و مانگای بێ دەسەڵاتیان بۆکردووە بۆیە وتویانە: ئەوەی بیرێ و نەیکا چێرە. [1]