بۊنەو دڼە گەنمێوە، دە گوڵە یەوی ئاوی موەراوە

ئی ئیدیۆمۍ دلۍ خەڵکینە فرە باوەنە، ئەغڵەبو خەڵکی ڕەوانەش بیېنە، چوونکوم پەشتینێ کشتیاریش هەن، پېسە مزانمۍ کشتیاری جە زەمەنە وەڵینەکانە سەرچەمەو بنەڕەتی ژیوای خەڵکی بېیەن، زیاتەریچ شانای (گەنم و یەوا) ، کە خوراکێ بنەڕەتی سفرەو خەڵکی بېیەن.
دېیارەن وەختێ ئاوەو گەنماشا (خەلە) دێنە، گوڵە یەوېچ دلۍ گەنمەکانە سۊزۍ بیېنۍ، ئاڎییچۍ ئاویشا واردېنۆ، هەرچن ۋستەرەی ئاوەکۍ پەی گوڵە گەنمەکا بېیەن، نەک پەی گوڵە یەوەکا.
بۊنەو کەسېوە، چن نەفەرێ تەرۍ سووڎ گېران، هەرچن ئاگاشا نېیەن چەنە، پەی نموونەی واردېوە سازیۊ پەی کەسێوە نامڎاری، پاڵشەنە چن کەسێ تەر چەنەش موەرا، یان بڕیارێ بەرمشۊ پەی کەسێ یان چن کەسێ، ژمارێ فرەتەر خەڵکۍ سوودش چەنە گېران، ئیتر واتەنشا بۊنەو ئاڎیۆ شمەیچ سووڎمەڼۍ بېیەیدۍ.[1]