ئیشی ژنان بیست و چارن هەر نان و شیویان دیارن
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: ( ئیشی ژنان بیست و چارن هەر نان و شیویان دیارن) ، وتراویشە: #ئیشی ژنان بیست و چارن هەر نان و کۆریان دیارن#، ژنانی کورد زۆربەی کاروباری ناوماڵ و کێڵگە و پەڕیز و مەڵۆ و سوارە کۆکردنەوە و گیشە و گەڵاوێژ درووستکردن و تێلەکێشی و هەوێز ماڵین بەکۆمەڵ و و مەڕداری و دۆشین و لەبێردان و ماست و بەرهەمەکانی و سەرگین کۆکردنەوە و چیلکە و دارهێنان و ئاوکێشان و کۆرکردن و جلوبەرگ شوشتن و گسکدان و ساوار بژار کردن و لەدەستاڕدان و گوزربێشتن و لەبێژینگ دان و بەباکردنی زەخیرە و دانەوێڵەی وەکوو نیسک و نۆک و کونجی و بەلەچککردنی بەرووبومەکانی بامیە و باینجان و تەماتە و گندۆرە و هەنجیر، ئاوتەماتە و دۆشاو و سرکه، لە هەموو ئەوانە دیارتر نان کردن و شیولێنانە‌ کە دوو کاری زۆر قوورس و دووبارەن، هەر بۆیە لە خۆشناوەتیدا وتراوە: ئیشی ژنان بیست و چارن هەر نان و شیویان دیارن. [1]