ب دەستووری خودێ
یاخودێ تو نوری تو دوعایی
تو خالقی تو مەولایی
تو پەدشایی تو رۆنایا دوڕایی..
تو نور و کەرەم و بایی
یارەبی تەھەزار و ئیک ناڤ ل سەر خۆ دایی
ناڤێ مەزن ھەر خودایی
ھەر تو لایقی مەدح و سەنایی...
********
(چەند سەبەقە ژ قەولێ بەحرا ):-
رۆژەکێ ئەز فکریم
داما بووم حەیریم
ل بەحرەکێ سەیریم
***
چی بەحرەکە کوورە
سبحانە ژ مەلکێ غەفوورە
تەرەفێ ڤێ بەحرێ سەحتی دوورە
***
چی بەحرەکە خاسە
یەکوورە بێ قیاسە
رکنەکە و چار ئەساسە
***
چی بەحرەکە پانە
سبحانە ژ مەلکێ رەحمانە
تەرەفێت ڤێ بەحرێ نە د خویانە
***
چی بەحرەکە مەزنە
قەندیلەکە نوورانی دئیسێت ل بنە
چار جۆی ژێ دچنە
***
چی بەحرەکە کوورە
پەدشا ل مەد کەت بەخشە و بۆرە
ئەم ژ دوور ئانینە دۆرە
***
چی بەحرەکە بێ حەدە
سبحانە ژ مەلکێ سەمەدە
مە ب شێخێ خۆ مەدەدە
***
چی بەحرەکە عەمیقە
پەدشا ل مە دکەت شەفیقە
ئەم ژ دوور ئانینە نێزیکە
***
ئەم ژ دوور ئانینە کنارە
پێل دئێنە مە ب دژوارە
مە ب خودێ خۆ ھاوارە
***
ھاوارا خودێ خۆمە
چەندی مەدەھا ژێ ددەمە
پەدشێ من ئەوە یێ ل عەرشا ل سەما
***
ژ قەولێ دەروێش قاتانی
علمێ خودێ بەحرە ژێ دچن جۆی و کانی
خاس خاسن چۆنە بەر نوورا رەحمانی
غافل دکۆرەنە چو ژ رێیا حەق شیخادی نەدزانی
تەمامەتی یا ڤی قەولی ل خودانی
***
یێ تەمام خودێ یە. [1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 384 جار بینراوە
ڕای خۆت دەربارەی ئەم بابەتە بنووسە!