ب دەستووری خودێ
چەند سەبەقێن پیرۆز ژ قەولێن جودا جودا ل سەر زیارەت بوونا خاسا :-
زیارەتی ئێقینە
خودایی ناڤ شێرینە
ل دلی نامینت نەکەربە نەقەھرە نە کینە
یا جبراییل ! تو ھیڤیا مە بکی ژ دیوانا رەب ل عالەمینە
***
ھەکە توو عەڕدەکی ببینی ئەشارەتکە
ھەکە توو مۆمنەک بی عەبادەتکە
ھەکە توو دارەکێ ببینی زیارەتکە
***
کەسەرا رەش مەرگەھێ
خۆزی دەرباس بوما وێ قوبەھێ
دێ من طواف کربا ستونا شێشمس ل شونا بەرێ سوبەھێ
***
ئەز ھاتم دێ طواف کەمە
سجودێ ل بەر پەدشێ خۆ بەمە
دێ پەریێت نورانی ل چاڤێت خۆ دەمە
***
زیارەتی ژ ئەشق و دل و دەست و چاڤە:-
مەلەکە کربوو تەگبیرە
ئەمێ ھەرن دیوانا میرە
ئەمێ زیارەت کەن دانگ و دامانێت جەلیلە
***
ئەمێ زیارەت بکەن وان خەلاتە
سوڕا لالشێ ژ ژۆر دھاتە
پێ زەینی چقاس کنیاتە
مێرا ژ بەر بر: ماش و بەرات و خەلاتە
***
ئەمێ زیارەت بکەن وان دامانە
مەلەک ل دەرگەھێ عەزمانا راوەستانە
خاسێت خودێ گرتن مەجلس و دیوانە
یا سورا سونەتێ باوەری ب صدق و ئەرکانە
سوڕا ھەموو خودانی ئیمانە
***
(قەولێ ناسردین)
ئەز برمە بەر کارەمەتا ئیلاھی
دانامە بەر دەستێ وی ھۆستای
ئێ ژ مڕا کری خۆشی و شاھی
***
یێ خۆشی و شاھی ژ مڕا کری
تە ئەز برمە سەر تەریقەتا مەلکێ فاخری(تاووسی مەلەک )
ھنگی من زانی تو خدری ی ب خدری
***
یێ تەمام خودێ یە. [1]