ب دەستووری خودێ

ستیێ گۆ قولنگۆ من ئەڤ عەمر ناڤێتە
ترسا منە ژ ئاگر و پێتە
ئەو بەدیلا ل پێ مە تێتە

***

دێ ئێت بەدیلەکە صارە
خدرلیاس غەواسێ بەحرا دێ ئێت ب لبسێ تجارە
دێ گەریێت ل مالێت مالدارا ئێکی ناھێلت ژ گونەھکارە

***
طۆفانا نەھ سەدێ یە کارە
طۆفانا نەھ سەدێ یە ب ئاگرە
گونھێت ڤی بەشەری بوینە قاسی خربات و گرە
چوو ژێ کێم نابن ھەرۆ سبا ھندەکە دی دانێنە سەرە

***
گونھێت ڤی بەشەری بوینە قاسی چیایە
ئەڤ بەشەرە دبن گونھادە نەی خوییایە
حەموو ژ بەطرانی و غەلطەیا زمانێ وانە

***
عەردێ خودێ ھژیایە
گلیا عەردی گەھیشتیە
بەر پەدشایە

***
گلیا عەردی گەھیشتیە بەر مەلەکێت عەزمینە
وەرن گەلی گونەھکارا
وەگەلەک خێر و خێرات ل سەر عەردێ خودێ دیتینە
ھوون دبێژن ئاخرەت نینە

***
یێ تەمام خودێ یە.[1]