نووستنێ سەرەو لێژ، گۆشتی مەڕی گێژ، ماچی ژنی درێژ
لە ناوچەی #خۆشناوەتی#دا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (نووستنێ سەرە و لێژ، گۆشتی مەڕی گێژ، ماچی ژنی درێژ)، وتراویشە: خەوی لێژان، گۆشتی گێژان، ماچی درێژان، ئەو سیانە پەسەند نین، خەو لە شوێنێک کە لێژ و سەرەخوار بێت، ئەوەی دەخەوێت ئەگەری خلۆر بوونەوەی هەیە و پشووش نادات بەهۆی ناڕێکی و نەگونجانەوە بۆ خەوتن، ئاژەڵی گێژیش گۆشتەکەی خۆش نییە و ناخورێت، ماچی ژنی درێژیش وەکوو لە خۆشناوەتیدا دەڵێن خۆش نییە، لە هەندێک شوێن لە جیاتی ماچ دەڵێن: گانی ژنی درێژ. [1]