ئەو سەردانەی محەمەد شەیاع سوودانی سەرۆک وەزیرانی ئێراق بۆ #هەولێر# ئەنجامیدا، بووەتە هۆی دواخستنی سەردانی شاندی هەرێمی کوردستان و #پارتی دیموکراتی کوردستان# بۆ بەغدا.
هەرچەند بڕیاربوو شاندێکی #حکومەتی هەرێمی کوردستان# و پارتی بەجیا بچنە بەغدا، بەڵام بەهۆی هاتنی محەمەد شەیاع سوودانی سەرۆک وەزیران بۆ هەولێر و کۆبوونەوەی لەگەڵ پارتی دیموکراتی کوردستان ئەو سەردانانە دواخراوە.
سوودانی لە سەردانەکەی بۆ هەولێر و کۆبوونەوەی لەگەڵ #مەسعود بارزانی# سەرۆکی پارتی دیموکراتی کوردستان باسی لە کێشەکانی نێوان پارتی و یەکێتی کردووە و جەختیکردووەتەوە، بەم دۆخەوە هەر شاندێک لە هەرێمیشەوە بێتە بەغدا سوودی نابێت و نابێتە هۆی چارەسەری کێشەکان.
محەمەد شەیاع سوودانی لە سەردانەکەی بۆ هەولێر داوای لە بارزانی کردووە، کار بۆ چارەسەری کێشەکانی نێوان پارتی و یەکێتی بکات و دواتر شاندی هاوبەش پێکەوە بنێرنە بەغدا. [1]