بریا خەسوو نەبانە، دەرکە بێ کلیر بانە، بووکە سەربەخۆبانە، مێرد بەدرێ خۆبانه
لە ناوچەی #خۆشناوەتی#دا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (بریا خەسوو نەبانە، دەرکە بێ کلیر بانە، بووکە سەربەخۆبانە، مێرد بەدرێ خۆبانه)، گۆتە و بەند و بالۆرەیەکی خۆشناوەتییە، لە زاری بووکانەوە وتراوە، نیگەرانی و دەردە دڵییە لەو خەسوانەی دەرگای ژووەرەکانی ماڵ و زەخیرە و ئاگردان و کەندووان بە کلیلان لە بووکەکانیان دادەخەن و کلیلەکەش بە قولابە-سنجاقێکەوە بە هێڵەک و سوخمەی خۆیانەوە هەڵدەواسن، لەو ئیدیۆمەدا چوار داواکاری هەنە بۆ گۆڕانکاری کۆمەڵایەتی ئەوانیش: نەهێشتنی خەسوو، دەرگاکان لەسەر پشت واڵابن، بووک ماڵی سەربەخۆی خۆی بۆ بکرێت و زاوا و مێردیش بە دڵی کچان بوونایە هەر بۆیە لە خۆشناوەتیدا وتراوە: بریا خەسوو نەبانە، دەرکە بێ کلیر بانە، بووکە سەربەخۆبانە، مێرد بەدرێ خۆبانه. [1]