کۆمەڵگەها #شاریا#
ئێک ژ گرنگترین کۆمەڵگەهێن ئێزدیانە کو دکەڤیتە باشوورێ پارێزگەها #دهوک#ێ ب دوراتیا 20 کیلۆمەتران، هەر وەسا کۆمەڵگەها شاریا دهێت ناسین ب دەڤەرا قایدیا یان ژی لحفا قایدیا، ژمارا ئاکنجیێن کۆمەڵگەها شاریا نێزی بیست هەزار کەسانە. ئەڤ کۆمەڵگەهە هاتییە ئاڤاکرن پشتی کو ڕژێما بەعس گوندێن چیایی یێن خەلکێ دەڤەرێ خراب کرین ل دوماهیکا ساڵا 1986، ئەگەرێ خراب کرنا گوندێن ڤێ ناوچەیێ ڤەدگەڕت ژبەر هاریکاریا خەلکێ دەڤەرێ دگەل #پێشمەرگە# و ڤەحواندنا پێشمەرگەی و چۆنا وانا بۆ ناڤ ڕێزێن پێشمەرگەی، خەلکێ دەڤەرێ دەربەدەرێ ناڤچەیێن جودا جودا بوون پشتی گوندێن وان هاتینە خراب کرن، پشتی ماوەیێ ساڵەکێ ژ دەربەدەریێ خەلک هێدی هێدی ڤەگەڕیا ناڤچەیا خوە و دناڤبەرا ساڵێن 1987-1988 کۆمالگەها نهۆ دبێژنێ شاریا هاتە ئاڤا کرن کو ژ حەفت گوندان پێک هاتیە (خەڕشنیا، سینیا، شاریا، ڕکاڤا، شێخدرێ، گڕێپان و کەلێبەدرێ) ، و ڕوژ بۆ ڕوژێ خزمەتگۆزاری زێدە بوون و هەتا نهۆ حەفت قوتابخانە و نەخۆشخانەیەک و بنگەهەکێ پۆلیسان و دوو هۆلێن مەزن بناڤێ هۆڵا #لالش# ئێک و دوو ل کۆمالگەها شاریا هەنە ژبلی سەنتەرێن ڕەوشەنبیری و جڤاکی و زێدەتری پێنچ یاریگەهێن تەپا پێ بۆ گەنجان و هۆلێن لەش جوانی و مەڵەڤانگە و خوارنگە و بازارەکێ مەزن، و ل دوماهیکا ساڵێن 2010 خەلکێ کۆمەلگەها شاریا ڕابوون ب ئاڤەدانکرنا گوندێن خۆە یێن کەڤن و جارەکا دن ژیان لێ پەیدا بوو لێ هەر پاشمایکێن مالێن خرابووی هەتا نهۆ لێ ماینە و ژبلی خزمەتگۆزاریا ئاڤ و کارەبێ، هندەک خزمەتگۆزارێن کێم لێ هەنە و خەلکێ وان گوندا ڕادبن ب خودان کرنا تەڕش و تەوالی و چاندنیێ. ل دەستپێکا ساڵا 2008 شاریا شۆڕەشەکا ڕەوشەنبیری گێراند و زۆربەیا خەلکێ شاریا گرنگیەکا زێدە ب بوارێ خواندنێ دان و زۆربەیا وانا ژ زانینگەهێن کوردستان و دەرڤەی کوردستان دەرچۆن و بوونە خودان پلەیێن بلند دبوارێن زانستیێن جودا جودا دا و هەتا نهۆ پتری 70% خەلکێ دەڤەرێ خوندەڤانن و ئەڤ ڕێژە بەردەوام د زێدەبوونێ دایە. [1] [2]
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 282 جار بینراوە
ڕای خۆت دەربارەی ئەم بابەتە بنووسە!