پیری و هەزار عەیبۍ
مروڤ وەختێ مەیاوۊ تەمەنو پیری، یانی تەمەنێ هەکە سەر و ڕیش چەرمە، مازیش کۊمېیاوە، چەمېش کزۍ، گۊشېش سەنگینۍ، دەسېش لەرزنۍ، چڼەها دەردۍ و نەوەشیۍ، ئیتر تەواناکەو جارانیش جە دەس مڎۊ، مەولەوی واتەن:
هەرچیت دابېنا یۊ یۊ دامەوە
حیسابو حەشریت مەنەن لامەوە
تەمامو ئەڼامەکا لاشەیش وەرە وەرە زایېفۍ مەبانو جە هەرمانۍ مەگنان، پەوکەی واتەنشا پیری و هەزار عەیبۍ.
گەر کەسێ بە تەمەن دەس بڎۊ هەرمانێ، بەڵام زاڵ نەبۊ ملشەرە، یەکسەر ئا ئیدیۆمی ماچۊن، یان کەسێ بگنۊ وەرچەماش، بەڵام نەشناسۊشۆ، کابرا وېش بشناسۊ پەنەش، ئاڎییچ دیسان وەرو وېشەرە ئیدیۆمەکۍ ماچۊوە.
هەر چن ئا کەم و کوڕیۍ عەیبۍ نېیەنۍ، ئەڼامەکۍ لاشەی تەمەنێ فرە هەرمانەشا کەردېنەو مانیێنۍ، ئیتر لاوازۍ بیېنۍ، نەک عەیبدارۍ.[1]