دۆینەی بەزڕەپوونگێی خواردییە
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (دۆینەی بەزڕەپوونگێی خواردییه) ، دۆینە خواردنێکی کوردەوارییە لە دۆ و ماستاو لەگەڵ دانەوێڵەدا تێکەڵ دەکرێت یان بڕوێشی وشککراوە لەگەڵ دۆدا تێکەڵ کرابێت، هەندێجار پونگەی تێکەڵ دەکرێت و دەوترێت: دۆینەی بە پوونگەوە، پونگەش زڕ و کەرانەشی هەیە ئینجا ئەگەر کەسێک لەکارکردندا کارەکانی بەفشە بکات و بایەخی پێ نەدات یان قسەی تێکەڵ و پێکەڵ بکات بەتەوسەوە لەخۆشناوەتیدا وتراوە: دۆینەی بەزڕە پونگێ خواردییە.[1]