کتە گووش پەی دەرمانی شیۍ، شارېشۆ
باس چا کەسا کەرۊن هەکە هەتیمچېنۍ و هەرگیز چیۊو وېشان نمەڎان بە کەسی، گەر مەنیرە پەی چېوێ و داواش وەنە کەری، دەس مەکەرۊ مینگە مینگ و بۊڵە بۊڵ،
گەر ئاتاجیێت پەنەشان بۊن پەی چېوێ یان کەرەسێوە، مەیاوناش ئاسمانو قیمەتدارش کەران، دەسکەران سەر وادای، چېوۊ وېشان هەزار ۋڵېنە شاراوە.
فرەو جاری ئی ئیدیومۍ بە زارۊڵەی ماچان، وەختێنە ئەڎاش یان واڵېش داواو واردێوە یان کەرەسێوەش وەنە کەران، یەکسەر منیۊش چېرو قۊڵیش و چەرخیۊ پۆلارە، ئاڎییچۍ ماچان: کتە گووش پەی دەرمانی شیۍ، شارېشۆ.[1]