چراوەو کەسی تاکو سەر مەگڕۊ(نمەگڕۊ)
هیچ دەسەڵاتێ تاکو سەر نېیەن، سنوورێ دیاری کریاش هەن، یاسێکۍ دنیێ پاسە کېشیێنۍ کە هیچ کەسێ هەتا سەر ئەچا بار و زروفەنە کە چەنەشەن نمەمەنۊوە، فیرعەون پا گردو دەسەڵاتیشۆ نەتاواش درېژە بە ژیوای وېش بڎۊ، ئاخیر چېرو ئاوېنە غەرق بی. ئی ئیدیۆمۍ دەرەتانۍ فراوانۍ ژیوای مەگېرۊوە، خەڵکۍ دوڵەمەڼۍ سەردەمێنە شەپڵی شەپان مڎاش وەنەو بە ڕەفاهی مژیوان، جە هیچیشان کەم نېیەن، بەڵام دمای زەمەنێ لاتۍ مەگناو ئاتاجی خەڵکا تەری مەبانۍ، یان ڕەنگە نەوەشۍ بگنانو نەتاوان پېسە وەڵۍ بژیوان، ئیتر ئا چراوۍ کە ڕۊخسار و چواردۆرشا ڕۊشن کەرېوە، وەرە وەرە کزە مەبۊنەو خامۊشە مەبۊن.[1]