گۊشتو لا ڕانا وېت بوەری، جە منەتەو قەسابی خاستەرەنە
هەر ماڵێ یان کاڵێوە هینەو وېت نەبۊ، گەر لاو توچۆ بۊ، هەر قیمەتش نېیەن، هەر ڕوێ بۊ بەراشۆ، یان چەنەت مساناوە.
چەنی ئانەیچە بڕێ کەسۍ هەنۍ فرە تڕ و منەت مەکەران سەرو خەڵکیرە، وەختێ چېوێ مڎان بە کەسێ، بە تەرزێ ناشیرین هەر پېسە بە سواڵکەریش بڎان ڕەفتار کەران، یان چیلا و چۆلاوە واناشۆو باسش کەران. وەڵینەکېما ڕاسشان واتەن کە گۊشتو لا ڕاناو وېت برېژی جە منەتەو قەسابی وەشتەرەنە.
گەر مشتەریێ کیلوێ یان زېیاتەر گۊشتش لاو قەسابێوە بسانۊ، بەڵام قەسابەکە بە تڕ و منەت پەیش بکېشۊ، گۊشتێ پەڕ تەڕاف و دمەش دۊ پەنە، سەرەڕاو ئانەیە منەتە کەرۊ سەرشەرەو بۊڵە بۊڵ کەرۊن، کابرای مشتەری دڵو وېشەنە ئا پەندی ماچۊن.[1]