دار و درەخت بە بەرەکەیشەرە مشناسیۊ
بڕێ یاگېنە ئی ئیدیومۍ بە تەرزێ تەر بەکار ماران، ماچان: دار بە بەرەکەیشەرە مشناسیۊوە، یانی تاکو بەرەکەیش نەوینی نمەزانی دارو چېشیەن، ئانە بەرۋستێ، هەم یاوانێ هەڵەن، چوونکوم دار و درەخت بە گەڵا و قەڎەکەیچشەرە مشناسیاوە، دارو تفۍ فەسڵو زمسانیچەنە مزانیۊ کە ئانە تفۍ مەگېرۊن. ڕاسیەکەش ئەشناسای بەرو درەختی پەی خاسی و خرابین، درەختێ بەرش بۊن ئانە بەرەکەتدارو خاسەن، بۍ بەریچ زڕەنو سوودش نېیەن.
پېسە ئیدیۆمێ وەراوەر پا کەسا بەکار ئامێنە هەکە دلۍ کومەڵینە سوود بەخشېنۍ، چوونکوم بەرهەمی خاسشان هەن، یاگە دەسشان دیارەن، کۊمەکو خەڵکانی مەکەران، بە پېچەوانۆ خەڵکی بۍ بەرهەم پېسەنە داری زڕی، هیچ سوودێش پەی خەڵکی نېیەن.[1]